الجمعة 22 نوفمبر
أكد المهندس طارق شكري، ورئيس غرفة التطوير العقاري، على أهمية تفعيل الرخصة الذهبية والمنطقة الاستثمارية في مشروع صن كابيتال، متابعًا : "أنا بشوف إن مصر أرض الفرص، ناهيك عن إن فيه ناس بتفكر في استثمارات في أماكن أخرى، بس انا مقتنع تماما إن مصر أرض الفرص وإن الدولة المصرية عندها جدية شديدة جدا جدا في التعامل مع المستثمر الجاد وبتقدمله يد العون بشكل كبير".
وقال شكري، إن مشروع صن كابيتال، يضم عددًا ضخمًا من المباني الإدراية، مؤكدًا أن الشركة لديها حرفية في إنشاء المباني الإدارية، إذ نفذت 9 مباني في شرق القاهرة، وتم بالفعل تأجيرهم أو بيعهم لبنوك وشركات أجنبية، وبالتالي تعلم المواصفات المطلوبة لأعلى المستويات.
وخلال حوار تلفزيوني، قال : "نتحدث عن إنشاء مباني إدارية في المنطقة الملاصقة للفنادق وعندنا تسويق ليها وعندنا رؤية ليها كبيرة جدا لأن في الأخر فيها نوع من أنواع التكامل، اللي هييجي في المكتب يلاقي المكتب بتاعه تحتيه كافيهات بمستوى معين، بجورا فندق وخلفه نادي، إلى جانب إمكانية إنه يروح للهرم في دقيقتين ويروح المتحف في 5 دقائق هيبقى جذب كبير جدا في المنطقة دي".
وتطرق : "يعني رخصة ذهبية، لكل العقارات في النشاط المختلط، فبدل ما تروح تلف على 20 جهة، وبالتالي الفندق يتعطل وبالتالي الاستثمار يتعطل أصبح عندنا فرصة ذهبية، مجتش إلا لما شافوا الجدية وشافوا إن فيه 7 آلاف وحدة تم إنشائهم بمرافقهم، إحنا دخلنا المرافق بتاعت الفندق والمباني الإدارية منذ العام الماضي، حتى قبل الحفر، يعني محطة الكهرباء تم إنشائها وبالتالي أصبح فيه جدية كبيرة جدًا في المنطقة الاستثمارية بتاعتنا فالدولة وافقت على منحنا منطقة استثمارية خاصة".
وأضاف: "بالتالي تجاوزنا فكرة التعدد في الأماكن في التراخيص إذ أن المنطقة الاستثمارية بتتعامل مع جهة واحدة الهيئة العامة للاستثمار بتطلعلك رخصة ذهبية المشروع بياخد بالكتير الرخصة بتاعته شهر، فبالتالي احنا بقينا في مكان جذب للمستثمرين المستمثر اللي جاي من برا وكان عندنا مستمثمر من دولة عربية عاوز يستثمر في إحدى الأنشطة السياحية، كان أكتر نقطة جذب بالنسبالة إنه هياخد الرخصة في شهر".
